Апрель 15-те Барыын-Хемчик кожууннуң төлептиг оглу, чаңгыс чер-чуртуувус, Тываның Улустуң чогаалчызы, шүлүкчү, прозачы, очулдурукчу, Комсомол шаңналының лауреады, «Мажалык» чечен чогаал каттыжыышкынының үндезилекчилериниң бирээзи Салим Сазыгович Сүрүң-оолдуң (1924, апрель 15 — 1995, апрель 10) 98 харлаан төрүттүнген хүнү таварыштыр чогаалчының төрээн чери көк-көк дагларлыг Акта арт кырында тураскаалынче кожууннуң чечен чогаал болгаш уран-чүүлдүң каттыжыышкынының кежигүннери четкеш келген. Ында чогаалчыга мөгейип тургускан бижиктерни чаартыр будуп, ол кезек черниң девискээрин бок-сүрээден арыглап, аштаан. Чогаалчының чонга билдингир чогаалдарындан үзүндүлерни номчуп, шүлүктерин шээжи-биле чугаалапмөөрейлешкеннер.»Озалааш хемниң» онзагай чараш бойдузунга сагыш хандыр дыштанып, аштанганнар. ШЕКПЭЭР сумузунун «Сайзанак» уруглар садынын кижизидикчи башкызы Монгуш Сайлык Бижик — Баировна кежигун кылдыр киришкен.